Bir müddət öncə məşhur mesajlaşma tətbiqi WhatsApp qaranlıq rejim dəstəyi aldı, lakin bu, demək deyil ki, proqramçılar yeni funksiyalar yaradılması istiqamətində fəaliyyətlərini dayandırdılar. Ancaq bu dəfə istifadəçiləri həqiqətən yeni bir şey gözləmir; söhbət bir müddətdir rakib mesajlaşma tətbiqlərində mövcud olan bir funksiyadan gedir. Burada mesajların avtomatik silinməsi funksiyası haqqında söz gedir.
WhatsApp 2.20.83 və 2.20.84 beta versiyalarında adi söhbətlər üçün mesajların saxlanma müddətini təyin etmə imkanı ortaya çıxdı. Proqramın əvvəlki beta versiyalarında buna bənzər bir şey olmuşdu, lakin o zaman proqramçılar avtomatik silinmə funksiyasını yalnız qrup söhbətləri üçün həyata keçirmişdilər. Görünür, indi onların planları dəyişib və istifadəçilər istənilən söhbət üçün avtomatik silinmə funksiyasını tənzimləyə biləcəklər.
Nəşr olunan şəkillər adi söhbətlərin parametrlərində mesajların saxlanma müddətini seçmə funksiyasının yenidən ortaya çıxdığını göstərir. İstifadəçilər öz seçimlərinə uyğun olaraq, söhbətlərin nə qədər müddət saxlanmasını seçə bilərlər. 1 saatdan 1 ilədək bir neçə variant mövcuddur. Tələb olunduqda, bu funksiyanı müvafiq menyu seçimi ilə deaktiv etmək mümkündür. Funksiya aktivləşdirildikdə, mesajın göndərilmə vaxtının yanında, seçilmiş saxlanma müddətinin sona çatması ilə mesajın silinəcəyi barədə bildiriş verən saat simgəsi görünür.
Hal-hazırda yeni funksiyanın WhatsApp-ın sabit versiyasında nə vaxt görünəcəyi bilinmir. Açıqdır ki, proqramçılar hal-hazırda onu test edirlər. Ehtimal olunur ki, avtomatik silinmə funksiyası yaxın gələcəkdə mesajlaşma tətbiqinin geniş istifadəçi kütləsinə təqdim ediləcək.
Mənbə: 3dnews.ru
