Push bildirişləri müasir smartfonların ayrılmaz bir hissəsidir. Onlar sayəsində insanlar məsələn, e-poçtlarına gələn elektron məktubları, xəbərləri və s. vaxtında öyrənirlər. Ancaq hazırda Android əsaslı cihazlarda Gmail servisindən gələn bildirişlərin gecikməsi ilə bağlı müəyyən bir problem olduğu görünür.
Reddit portalının bir istifadəçisi öz smartfonunda Gmail bildirişlərinin gecikmə ilə gəldiyini qeyd edib. O, bu məsələnin səbəbini öyrənmək üçün cihazın jurnalını araşdırıb. Məlum olub ki, Android, poçt xidmətinə gələn mesajları "görür", lakin məlum səbəblərdən ekranında dərhal bildiriş təqdim etmir.
Bu məsələni müzakirə edən digər Reddit istifadəçiləri də oxşar problemlərlə qarşılaşıblar. Nəticədə, onlar Gmail-ə gələn məktubların bildirişlərinin gecikməsinin səbəbi olaraq, Android Marshmallow-da ilk dəfə ortaya çıxan batareya qənaət funksiyası olan Doze-i göstəriblər.
Tam bir əminliklə demək olmaz, lakin görünür ki, Doze funksiyası Android-ə Gmail servisi üçün anında bildirişlər göndərilməsinə imkan vermir, sistemdə hansısa başqa bir hadisə baş vermədikcə. Məsələn, problemi ilk qeyd edən istifadəçi bildirir ki, Gmail bildirişləri yalnız smartfonu açdıqdan sonra gəlir.
İstifadəçi, smartfonunun jurnalından ətraflı məlumatları internetdə dərc edib və bu problemi yaşayan insanların sayı getdikcə artır. Google-un nümayəndələri isə hələlik rəsmi şərh verməyib.
Mənbə: 3dnews.ru
