MediaTek şirkəti, nisbətən ucuz oyun funksiyaları olan smartfonlarda istifadə üçün Helio G80 prosessorunu təqdim etdi.
Bu çip səkkiz nüvəli konfiqurasiyaya malikdir. O, xüsusilə, 2,0 GHz-a qədər saat tezliyində iki ədəd ARM Cortex-A75 nüvəsi və 1,8 GHz-a qədər saat tezliyində altı ədəd ARM Cortex-A55 nüvəsi ehtiva edir.
Qrafik alt sistemi ARM Mali-G52 MC2 sürətləndiricisini əhatə edir. Full HD+ formatlı ekranlarla 60 Hz-a qədər yeniləmə tezliyi ilə işləməyi dəstəkləyir.
Platforma Bluetooth 5.0 və Wi-Fi 802.11ac simsiz əlaqəsini, eləcə də GPS, GLONASS, Beidou və Galileo peyk naviqasiya sistemlərini dəstəkləyir.
Helio G80 bazasında smartfon istehsalçıları, cihazlarını 48 milyon piksel hə çözünürlüğə malik kameralarla təchiz edə biləcəklər. Eyni zamanda, 16 milyon piksel sensorlu ikili kameraların dəstəklənməsindən də bəhs olunur.
Prosessorun istehsalı TSMC — Taiwan Semiconductor Manufacturing Company-ya həvalə edilib. İstehsal zamanı FinFET texnologiyası tətbiq ediləcək. İstehsal nisbəti 12 nanometrdir.
Mənbə: 3dnews.ru
