Telegram-ın qurucusu Pavel Durov, çərşənbə günü baş vermiş və xidmətin işində pozuntulara səbəb olan DDoS hücumlarının arxasında Çinin hökumətinin ola biləcəyini irəli sürdü.
Telegram-ın qurucusu Twitter-də bildirib ki, DDoS hücumunda əsasən Çin IP adresləri istifadə edilib. O, həmçinin, bildirib ki, ən iri DDoS hücumları adətən Hong Kongdakı etirazlarla eyni vaxta düşür, bu dəfə istisna olmayıb.
Telegram messencerini Hong Kong sakinləri aktiv istifadə edirlər, çünki bu platforma etirazların təşkilində və koordinasiyasında aşkarlanmağı qaçırmağa imkan tanıyır. Telegram-a edilən hücum, Çinin hökumətinin messenceri işini pozmağa və onun minlərlə insanın etirazını təşkil etməsindəki effektivliyini məhdudlaşdırmağa çalışdığını göstərə bilər.
Çin kökənli IP ünvanlarından gələn hücumlar. Tarixən, dövlət oyuncuları tərəfindən həyata keçirilən DDoS hücumları (200-400 Gb/s zibil) Hong Kongdakı etirazlarla eyni zamanda baş vermişdir (koordinasiya edilən ). Bu vəziyyət istisna olmadı.
— Pavel Durov (@durov)
Şəbəkə mənbələrinin məlumatına görə, Telegram və Firechat kimi şifrəli mesaj göndərməyə imkan verən tətbiqlər hazırda Hong Kongdakı App Store istifadəçiləri arasında böyük populyarlıq qazanıb. Bu, təəccüblü deyil, çünki bir çox etirazçılar şəxsiyyətlərini gizlətməyə çalışırlar. Şifrəli şəkildə məlumat göndərən messencerlərdən istifadə etməklə yanaşı, etirazçılar üzlərini gizlədərək üz tanıma sistemləri tərəfindən tanınmamaq üçün çalışırlar.
Xatırladaq ki, çərşənbə günü Hong Kongda ekstradisiya qanununa dəyişiklərə qarşı minlərlə insanın iştirak etdiyi etiraz aksiyası keçirilib. Məmnuniyyətsiz vətəndaşlar barrikadalar quraşdırıb, Hong Kongdakı qanunverici orqanın binası yaxınlığında polis ilə toqquşublar. Bu, parlamentin iclasının ləğv edilməsinə səbəb oldu, burada qanun deyişikliklərinin müzakirəsi planlaşdırılırdı.
Mənbə: 3dnews.ru
