Telefonla danışdığınız zaman, başqa bir şəxs sizə zəng etməyə çalışırsa, əksər smartfonlar və mobil operatorlar sizə zəng gözlədiyinizi bildirir. Lakin VoIP xidmətləri arasında belə bir bildiriş geniş yayılmamışdır.
İndi isə bu funksiya məşhur mesajlaşma proqramı WhatsApp istifadəçilərinə təqdim olunur. Qeyd etmək lazımdır ki, daxil olan zəng haqqında bildiriş cari zəngin gözlədilməsini təmin etməyəcək. Bir müddət əvvəl WhatsApp daxil olan zənglər barədə heç bir məlumat vermirdi. İstifadəçi yalnız cari söhbətini bitirdikdən sonra itirilmiş zənglər jurnalında daxil olan zəngi görə bilərdi. Sonradan WhatsApp-da zəng edənlərə məlumat verən bir bildiriş meydana gəldi ki, axtardıqları abunəçi artıq daxil olan zəng qəbul edib.
İndi isə, əgər danışdığınız vaxtda sizə yenidən zəng edilərsə, siz səsli bildiriş eşidəcəksiniz və ekranınızda müvafiq bir tekst bildirişi görünəcək, bununla qarşılıqlı əlaqə quraraq ikinci zəngi ya rədd edə, ya da cari söhbəti kəsərək yeni birinə başlaya bilərsiniz. Funksiya olduqca cəlbedici görünür, lakin hazırki söhbəti gözləməyə almaq imkanı açıq şəkildə çatışmır. Hazırda bu seçim yerinə yetirilməyib, amma gələcəkdə ola biləcəyini istisna etmək olmaz.
Yeni funksiya WhatsApp 2.19.352 stabil versiyasında və WhatsApp Business 2.19.128 versiyasında mövcuddur. Bundan əlavə, bu tətbiqlərin versiyalarında inkişaf etdiricilər mesajlaşma proqramının smartfon enerji istehlakını artıran problemini həll edib, həmçinin barmaq izi ilə açma funksiyasını əlavə ediblər.
Mənbə: 3dnews.ru
