Bir ildən çox davam edən inkişafdan sonra Debian GNU/Linux paket bazasına əsaslanan grml 2022.11 Live distribusiyası yayımlandı. Distribusiya texttools paketinin köməyi ilə tekst məlumatlarının işlənməsi üzrə əməliyyatları yerinə yetirmək və sistem administratorlarının praktikasında baş verən işləri (çatışmazlıqdan sonra məlumatların bərpası, hadisələrin araşdırılması və s.) həyata keçirmək üçün proqramların toplusunu ehtiva edir. Qrafik mühit Fluxbox pəncərə meneceri ilə qurulub. Tam iso şəkilinin ölçüsü 855 MB, qısaldılmış olanın isə 492 MB-dir.
Yeni buraxılışda:
- 11 noyabr tarixinə olan Debian Testing repositoriyası ilə paketlərin sinxronizasiyası həyata keçirilib.
- Live sistem ümumi /usr bölməsinə köçürülüb (catologlar /bin, /sbin və /lib* müvafiq kataloglara içindəki /usr-ə simvolik bağlantılar kimi təşkil edilib).
- Paketlərin versiyaları, o cümlədən Linux 6.0 nüvəsi, Perl 5.36, Python 3.10, Ruby 3.0, yeniləndi.
- 18 yeni paket əlavə edilib, 26 paket isə dəyişdirilib və ya silinib. Yeni paketlər arasında: polkitd, sqlite3, dbus-daemon, exfatprogs, f2fs-tools, hping3, inetutils-telnet, jo, mbuffer, myrescue, nftables, ntpsec, pkexec, stenc, usrmerge, util-linux-extra. Silinən paketlər arasında: mercurial, subversion, tshark, wireshark-qt.
- Live topluma UEFI dəstəyi olan Memtest86+ 6 inteqrasiya edilib.
- ZFS dəstəyi əlavə edilib.
- Default olaraq dbus quraşdırılması təmin edilib.
Mənbə: opennet.ru
