Push bildirişləri müasir smartfonların ayrılmaz hissəsidir. Onların sayəsində, məsələn, insanlar poçtlarına gələn e-məktublar, xəbərlər və s. barədə operativ şəkildə məlumatlandırılır.Lakin görünən odur ki, hazırda Android sistemli cihazlarda Gmail xidmətindən bildirişlərin gecikməsi ilə bağlı müəyyən problem var. .
Bir Reddit istifadəçisi onun smartfonuna Gmail-dən bildirişlərin gecikmələrlə gəldiyini gördü. Bunun səbəbini öyrənmək üçün cihazın qeydlərində axtarış apardı. Məlum oldu ki, Android poçt xidmətinə gələn mesajları "görür", lakin nədənsə cihazın ekranında bu barədə ani bildirişlər göstərmir.
Bənzər problemlə qarşılaşan digər Reddit istifadəçiləri də bu məsələ ilə bağlı müzakirələrə qoşulublar. Nəticədə onlar belə qənaətə gəliblər ki, Gmail-də məktubların qəbulu ilə bağlı gec bildirişlərin səbəbi ilk dəfə Android Marshmallow-da ortaya çıxan və batareyanın enerjisinə qənaət etmək üçün nəzərdə tutulmuş Doze funksiyası ola bilər.
Tam əminliklə demək mümkün deyil, lakin belə görünür ki, Doze funksiyası sistemdə başqa hadisə baş verənə qədər Android-in Gmail xidmətinə ani push bildirişləri göndərməsinə mane olur. Məsələn, problemi ilk görən istifadəçi iddia edir ki, Gmail-dən bildirişlər yalnız smartfonun kilidi açıldıqdan sonra gəlir.
İstifadəçi internetdə smartfonun qeydlərindən ətraflı məlumatları dərc edib və bu problemlə üzləşənlərin sayı artır. Google nümayəndələri hələlik rəsmi şərh verməyiblər.
Mənbə: 3dnews.ru