DigiTimes-in tədarük zəncirindəki mənbələrə istinadən verdiyi məlumata görə, koronavirusla bağlı çətinliklərə baxmayaraq, Apple hələ də 2020-ci ildə 90 milyon AirPods simsiz qulaqlıq göndərməyi planlaşdırır. Müqayisə üçün qeyd edək ki, 2019-cu ildə şirkət hesablamalara görə bu məşhur cihazların 60 milyon ədədini göndərə bilib.
Hələ keçən ilin noyabrında Wedbush analitiki Dan Ives 2020-ci ildə müxtəlif AirPods modellərinin satışının 85-90 milyon ədədə çatacağını proqnozlaşdırmışdı. Yeri gəlmişkən, keçən ilin sonunda Apple çox yüksək tələbatla üzləşmişdi
AirPods və Apple Watch kimi məhsullar iPhone satışlarının yavaşlaması fonunda son vaxtlar Apple-ın uğurunda getdikcə daha vacib amillərə çevrilir. Apple öz məhsulları üçün xüsusi satış rəqəmlərini açıqlamır və AirPods-dan əldə olunan gəliri ayrıca kateqoriyaya ayırmır. Lakin Wedbush-dan olan eyni analitiklər AirPods-un Cupertino nəhənginə 2019-cu ildə ümumi gəlirin təxminən 4%-ni gətirdiyinə inanırdılar.
Yeri gəlmişkən, koronavirusun yayılması səbəbindən Apple hazırda xəstəliyin yayılmasının qarşısını almaq üçün Apple Store işçilərinə AirPods və Apple Watch sınaqlarını təklif etməyi qadağan edib. AirPods Pro haqqında rəyimizi burada oxuya bilərsiniz
Mənbə: 3dnews.ru