The Wall Street Journal (WSJ) yazır ki, Apple şirkəti Intel ilə Intel-in smartfon modem biznesinin bir hissəsinin mümkün alınması ilə bağlı danışıqlar aparır. Apple-ın Intel texnologiyalarına marağı smartfonlar üçün özünün modem çiplərinin hazırlanmasını sürətləndirmək istəyi ilə izah olunur.
WSJ-nin məlumatına görə, Intel və Apple keçən ilin yayında danışıqlara başlayıblar. Müzakirələr bir neçə ay davam etdi və Apple-ın Qualcomm ilə mübahisəsini həll etdiyi vaxtda başa çatdı.
Intel-dəki mənbələr WSJ-yə bildiriblər ki, şirkət smartfon modem biznesi üçün “strateji alternativləri” nəzərdən keçirir və onu Apple və ya başqa şirkətə satmaqda maraqlıdır.
Bu ayın əvvəlində Intel 5G smartfon modem biznesindən çıxdığını elan etdi. Bu, Apple və Qualcomm-un münaqişəni həll etdiklərini və yeni təchizat müqaviləsi bağladıqlarını elan etdikdən bir neçə saat sonra məlum olub.
Keçən cümə, Intel CEO Robert Swan , şirkətin 5G mobil şəbəkə bazarını tərk etmək qərarına Apple və Qualcomm arasında əməkdaşlığın bərpası səbəb olub. Bundan sonra Intel, bu bazar seqmentində sərfəli fəaliyyət üçün heç bir perspektivinin olmadığı qənaətinə gəldi.
Mənbə: 3dnews.ru