“Bloomberg” şirkətin İtaliyadakı saytına istinadən xəbər verir ki, “Apple” koronavirus epidemiyasının davam edən yayılması səbəbindən İtaliyadakı 17 Apple Store mağazasının hamısını qeyri-müəyyən müddətə bağlayıb.
Qeyd edək ki, martın 9-dan etibarən İtaliyanın bütün bölgələrində artıq məhdudlaşdırıcı tədbirlərin görüldüyünü nəzərə alsaq, Apple mağazalarının bağlanması sırf formal xarakter daşıyırdı.
Apple Mağazalarının nə qədər müddətə bağlanacağı hələlik məlum deyil. İtaliyanın baş naziri Cüzeppe Kontenin fərmanına əsasən, koronavirusla mübarizə çərçivəsində Lombardiya muxtar bölgəsi və daha 3 əyalət aprelin 14-dək giriş-çıxış üçün bağlanacaq.
Mağazalar bağlı qalsa da, Apple müştəriləri veb saytında və ya telefonla əldə edilə bilən dəstək qrupuna yönəldir.
Mənbə: 3dnews.ru