Volkswagen Qrupuna məxsus Audi brendi artıq tam elektrik güc aqreqatı ilə kompakt sedan hazırlamağa başlayıb.
Autocar resursu Audi-nin baş dizayneri Mark Lixtenin açıqlamalarına istinadən xəbər verir ki, söhbət ölçülərinə görə Audi A4 modeli ilə müqayisə oluna biləcək avtomobildən gedir.
Qeyd edilir ki, gələcək elektromobil PPE (Premium Platform Electric) arxitekturasına əsaslanacaq, onun hazırlanmasında Porsche və Audi mütəxəssisləri iştirak ediblər. Bu platforma kütləvi istehsal olunan B-Class modellərindən D seqmentli avtomobillərə qədər bir sıra Audi elektromobilləri üçün əsas təşkil edəcək.
Gələcək sedanın texniki xüsusiyyətləri hələ açıqlanmayıb. Kommersiya bazarında yeni Audi məhsulu "xalq" elektrik avtomobili Tesla Model 3 ilə rəqabət aparmalı olacaq. Dörd halqalı brend 2023-cü ildə elektrik sedanını elan etmək niyyətindədir.
Əlavə edirik ki, 2025-ci ilə qədər Audi dünyanın əsas bazarları üçün on iki tam elektrik modelini təqdim edəcək. Eyni zamanda, brendin ümumi satışlarının təxminən üçdə biri mövcud seriyada olan avtomobillərin elektrikləşdirilmiş versiyalarından ibarət olacaq. Elektrikli avtomobillər bütün əsas seqmentlərdə - kompakt modellərdən tutmuş biznes sinif avtomobillərinə qədər təqdim olunacaq.
Mənbə: 3dnews.ru