Avtomobil sənayesi tarixində ilk dəfə olaraq, Volvo Cars Avropa bazarına qoşulmuş avtomobil texnologiyaları və bulud həllərinə əsaslanan qabaqcıl təhlükəsizlik sistemini təqdim edir.
Bildirilir ki, nəqliyyat vasitələri sürücüləri müxtəlif təhlükələrdən xəbərdar edərək bir-biri ilə qarşılıqlı əlaqə yarada biləcəklər. Yeni platforma 2020 model ili avtomobillərdə standart olacaq Hazard Light Alert və Slippery Road Alert funksiyalarından istifadə edir.
Hazard Light Alert funksiyasının mahiyyəti belədir: bu texnologiya ilə təchiz edilmiş avtomobil qəza siqnalını işə salan kimi bu barədə məlumat bulud xidməti vasitəsilə yaxınlıqdakı bütün qoşulmuş avtomobillərə ötürülür, sürücüləri mümkün təhlükə barədə xəbərdar edir. Bu xüsusiyyət xüsusilə zəif görmə qabiliyyəti olan döngələrdə və dağlıq ərazilərdə faydalıdır.
Öz növbəsində, Sürüşkən Yol Xəbərdarlığı sistemi sürücüləri yol örtüyünün hazırkı və gələcək vəziyyəti barədə xəbərdar edir. Yolun hərəkət hissəsinin səthi ilə bağlı anonim məlumatların toplanması sayəsində sistem qarşıdan gələn sürüşkən hissə ilə bağlı sürücüləri əvvəlcədən xəbərdar edir.
Yol təhlükəsizliyini əhəmiyyətli dərəcədə yaxşılaşdıra bilən bu məlumatların real vaxt rejimində paylaşılması sistemə daha çox avtomobil qoşulduqca daha effektiv olacaq.
Volvo Cars digər avtomobil bazarı iştirakçılarını təşəbbüsü dəstəkləməyə dəvət edir. “Nəqliyyat vasitələri real vaxt trafik məlumatlarını nə qədər çox paylaşsa, yollarımız bir o qədər təhlükəsiz olar. Biz yol təhlükəsizliyi ilə bağlı öhdəliyimizi bölüşən daha çox tərəfdaş tapmağa sadiqik”, - Volvo deyir.
Mənbə: 3dnews.ru