Onlayn mənbələr bildirirlər ki, İsveçin Einride şirkəti ictimai yollarda özünün tam elektrik yük maşınının sınaqlarına başlayıb. Einride T-Pod avtomobilinin sınaqlarının bir il davam edəcəyi gözlənilir. Bu layihə çərçivəsində müxtəlif yüklərin çatdırılması üçün gündəlik 26 tonluq yük maşını istifadə olunacaq. Qeyd etmək lazımdır ki, sözügedən avtomobil beşinci nəsil (5G) rabitə şəbəkəsindən istifadə etməklə tam avtonom işləyir. Avtomobilin dizaynında sürücünün sınaq qaçışları zamanı yük maşını sığortalaya biləcəyi kabin nəzərdə tutulmayıb.
Hər gün T-Pod yük maşını anbar və terminal arasında təxminən 300 m məsafə qət edəcək.Şirkət nümayəndələri bildirirlər ki, 2020-ci ilin ikinci yarısında tamamlanacaq hazırkı sınaq ilk dəfədir ki, avtonom yük maşını ictimai yolda sürücüsüz işləyir. T-Pod 85 km/saat sürət yığa bilsə də, İsveç Nəqliyyat Agentliyi avtomobildən 5 km/saat sürətlə istifadə etməyə icazə verib.
Einride şirkətinin baş direktoru Robert Falck hesab edir ki, yol icazəsi iri nəqliyyat şirkətlərinin avtonom yük maşınlarından istifadə etməsinə imkan verən ilk addımdır. O, həmçinin şirkətin sonradan ABŞ-da fəaliyyətini genişləndirmək imkanı ilə daha çox səyahət icazəsi almaq niyyətini açıqlayıb. Falkın fikrincə, Amerika avtomobil bazarı etalondur, ona görə də şirkət gələcəkdə bu bazarda möhkəmlənməyə çalışmaq niyyətindədir.
Mənbə: 3dnews.ru