Google, keçən il Yaponiyada istifadəyə verdiyi Play Points mükafat proqramını genişləndirir. Bu həftədən etibarən ABŞ-da “Google Play” virtual məzmun mağazasının istifadəçiləri satın alınan proqramlar üçün bonuslar ala biləcəklər.
İstifadəçilər bonus proqramına birbaşa Google Play mağazasının özündən qoşula biləcəklər. Siyahısı hər həftə yenilənən populyar proqramları yükləyərək xal qazana bilərsiniz. Bundan əlavə, müntəzəm olaraq keçirilən aksiyalarda iştirak üçün əlavə xallar verilir. Bu yolla Google istifadəçiləri təkcə oyun və proqramlar deyil, həm də filmlər, kitablar və digər məzmunlar almağa təşviq edir. Bundan əlavə, qazanılan xallar qeyri-kommersiya xeyriyyə təşkilatına verilə bilər.
Play Points proqramı dörd səviyyəyə bölünür. Səviyyəniz nə qədər yüksək olsa, xərclədiyiniz hər dollar üçün bir o qədər çox xal qazanırsınız. Bürünc səviyyədə istifadəçilər 1 dollar üçün 1 xal qazanır, platin səviyyəsinə çatdıqda isə hər dollar üçün 1,4 xal qazanacaqlar. Qeyd etmək lazımdır ki, bonus proqramında əldə edilən səviyyənin qorunub saxlanılması üçün istifadəçi müəyyən xərcləmə səviyyəsini saxlamalıdır. Əks halda, platin səviyyəsinə çata bilsəniz belə, tədricən eniş olacaq.
Deyə bilərik ki, Google bonus proqramını Google Play-də yaymaqla istifadəçiləri müntəzəm alış-verişə həvəsləndirməyə çalışır, təkcə oyunlara və tətbiqə deyil, o qədər də populyar olmayan digər məzmunlara da diqqət yetirir. Play Points proqramının digər ölkələrdə nə vaxt fəaliyyətə başlayacağı hələ məlum deyil.
Mənbə: 3dnews.ru