ABŞ Səhiyyə Departamentinin federal agentliyi, ABŞ Xəstəliklərə Nəzarət və Qarşısının Alınması Mərkəzləri (CDC), elektron siqaret çəkənlərdə ağciyər xəstəliklərinin səbəblərini araşdırmaqda bir irəliləyiş elan etdi.
CDC mütəxəssisləri müəyyən ediblər ki, 29 ştatdan olan 10 xəstənin ağciyərlərindən alınan maye nümunələrində eyni kimyəvi maddə - vitamin E asetat var.CDC-nin məlumatına görə, məhz bu maddə vapinq istifadəçilərinin ağciyərlərinə ziyan vuraraq sağlamlıq üçün təhlükə yaradır.
ABŞ-da 5 noyabr 2019-cu il tarixinə 39 nəfər siqaretin səbəb olduğu ağciyər xəstəliklərindən dünyasını dəyişib və 2051 analoji xəstəlik halı hazırda araşdırılır.
Vitamin E asetat qidalarda, pəhriz əlavələrində və hətta dəri kremlərində olan yağlı bir maddədir.
CDC saytına görə, “Vitamin E asetat, vitamin əlavəsi olaraq ağızdan qəbul edildikdə və ya dəriyə tətbiq edildikdə, adətən zərərli deyil. Bununla belə, əvvəlki tədqiqatlar göstərir ki, E vitamini asetat tənəffüs edilərsə, ağciyərlərin normal fəaliyyətinə mane ola bilər”.
Mövcud kəşf CDC tədqiqatının bitdiyini və ya E vitamini asetatın ağciyər zədələnməsinin yeganə səbəbi olduğunu ifadə etmir. Digər kimyəvi maddələr də siqaret çəkənlər arasında davam edən ağciyər xəstəliklərinin yayılmasında rol oynaya bilər. Buna görə də CDC elektron siqaret çəkənlərin ölüm səbəblərini araşdırmaq üçün öz işini davam etdirəcək.
Mənbə: 3dnews.ru