Hisense şirkəti hazırda Las-Veqasda (Nevada, ABŞ) keçirilən CES 2020 elektronika sərgisində elektron kağız displeyli unikal smartfon təqdim edib.
E Ink ekranlı mobil cihazlar uzun müddətdir ki, mövcuddur. Nəzərinizə çatdıraq ki, elektron kağız üzərindəki panellər yalnız şəkil yenidən çəkildikdə enerji sərf edir. Şəkil parlaq günəş işığında mükəmməl oxunur.
İndiyədək smartfonlarda monoxrom E Ink displeyləri quraşdırılıb. Hisense şirkəti rəngli elektron kağız üzərində ekranlı dünyanın ilk mobil cihazının prototipini nümayiş etdirib.
Cihazın xüsusiyyətləri, təəssüf ki, hələlik gizli saxlanılır. Hisense yalnız qeyd edir ki, istifadə olunan displey əvvəlki nəsil elektron kağız ekranları ilə müqayisədə daha yüksək yeniləmə sürətinə malikdir.
Şəbəkə mənbələri əlavə edir ki, yeni smartfon 4096 rəng çalarlarını əks etdirməyə qadirdir. Enerji tamamilə söndürüldükdən sonra da görüntü ekranda qalır.
Belə cihazların bu ilin ortalarında kommersiya bazarına çıxacağı gözlənilir.
Mənbə: 3dnews.ru