Dünyanı bürüyən koronavirus epidemiyası fonunda təhlükəli xəstəliklə bağlı internetdə çoxlu yalan məlumatlar peyda olur və sosial şəbəkələrdə, messencerlərdə və müxtəlif veb-resurslarda yayılır. Ümumdünya Səhiyyə Təşkilatının (ÜST) WhatsApp messenceri üçün yeni chatbotunun məqsədi koronavirus haqqında etibarlı faktların əldə edilməsinə kömək etməkdir.
“WhatsApp” tərtibatçıları ÜST ilə birlikdə messencer istifadəçilərinin müxtəlif suallarını cavablandıran, koronavirus haqqında etibarlı və təsdiqlənmiş məlumat verən çat botunu istifadəyə veriblər. Botla qarşılıqlı əlaqəyə başlamaq üçün kontakt siyahınıza +41 79 893 18 92 nömrəsini əlavə etməlisiniz, bundan sonra bu kontakta mesaj göndərərək WhatsApp-da söhbətə başlamaq lazımdır. İlk mesajı aldıqdan sonra bot onunla qarşılıqlı əlaqə prinsipini izah edəcək bir neçə ipucu ilə cavab verəcək. Çatbotun işə salınması WhatsApp-ın messencer istifadəçiləri arasında yayılan koronavirusla bağlı dezinformasiya ilə mübarizəyə yönəlmiş növbəti addımı olub.
“WhatsApp” ÜST, UNICEF və BMT ilə birlikdə koronavirusla bağlı faktların yoxlanılması mərkəzi də açıb. Beləliklə, “WhatsApp” chatbotunun təqdim etdiyi bütün faktlar və xəbərlərin dəqiqliyi və reallığa uyğunluğu operativ şəkildə yoxlanılacaq. Bundan əlavə, WhatsApp koronavirusla bağlı faktları yoxlayan təşkilatlara dəstək üçün 1 milyon dollar ayırır.
Onlayn mənbələrin məlumatına görə, Böyük Britaniya Milli Səhiyyə Xidməti də WhatsApp üçün öz çat botunu yaratmaq barədə düşünür ki, bu da istifadəçilərə epidemiyanın yayılması, ən son xəbərlər və infeksiyadan qorunmağın effektiv yolları haqqında etibarlı məlumat almağa imkan verəcək.
Mənbə: 3dnews.ru