Son iki həftə ərzində bu və ya digər şəkildə koronavirusla əlaqəli 200 minə yaxın kiberhücum hadisəsi qeydə alınıb. Check Point Software Technologies şirkətinin araşdırmasına görə, bu, əvvəlki həftələrlə müqayisədə 30 faiz artımdır.
Hücumların təhlili göstərib ki, onların hamısı beynəlxalq təşkilatların internet saytlarını, eləcə də Zoom kommunikasiya platformasının vebsaytını imitasiya edən saxta domenlərdən həyata keçirilib. Bundan əlavə, Microsoft Teams və Google Meet xidmətləri adından fişinq e-poçtlarının kütləvi şəkildə göndərilməsi halları qeydə alınıb.
Mayın əvvəlindən koronavirus mövzusu ilə bağlı 20 minə yaxın yeni domen qeydə alınıb ki, bunun da 2%-i zərərli, 15%-i isə şübhəlidir. Epidemiya başlayandan bəri dünyada COVID-90 ilə əlaqəli ümumilikdə 19 min yeni domen adı qeydə alınıb.
“Son üç həftə ərzində biz saxta domenlərin trendində dəyişiklik müşahidə etdik. Mövcud vəziyyətdən maksimum yararlanmaq üçün hakerlər riskli üsullara əl atırlar. Ən son kiberhücumları təhlil etsək, nüfuzlu təşkilatların və ya populyar tətbiqlərin domenlərini təqlid etmək tendensiyası aydın görünür. Məsələn, son vaxtlar ÜST, BMT və ya Zoom adından aktiv hücumlar olub. Bu gün e-poçt kampaniyalarına gəldikdə ayıq olmaq və şübhəli domenlərdən və göndəricilərdən ehtiyatlı olmaq xüsusilə vacibdir”, - Check Point Software Technologies bildirir.
Mənbə: 3dnews.ru