Çin nəhəngi Huawei bu il smartfon satışı ilə bağlı planlarını açıqlayıb: şirkət keçən illə müqayisədə tədarük həcmini təxminən dörddə bir artırmağı gözləyir.
“Huawei” şirkətinin vitse-prezidenti Zhu Ping bildirib ki, ötən il şirkət 200 milyondan çox “ağıllı” mobil cihaz satıb. Bu məlumatları IDC statistikası təsdiq edir, ona görə 2018-ci ildə Huawei smartfonlarının tədarükü 206 milyon ədəd (dünya bazarının 14,7%-i) təşkil edib.
Bu il Huawei 250 milyondan çox smartfon satmağı qarşısına məqsəd qoyub (Honor brendi də daxil olmaqla). Şirkət bu səviyyəyə çata bilsə, ötən illə müqayisədə daşımaların artımı təxminən 25% olacaq.
Bildirilib ki, 2018-ci ildə Çində satılan hər üç smartfondan biri Huawei/Honor ailəsindəndir. Bu il Huawei Çində “ağıllı” mobil cihazlar bazarının yarısını tutacağını gözləyir.
Qeyd edək ki, “Huawei” smartfonları ölkəmizdə çox populyardır. Məsələn, Honor brendi artıq Rusiyanın smartfon bazarında Samsung-u qabaqlayaraq birinci yeri tutub. 2020-ci ildə isə Huawei qlobal smartfon bazarında lider olmağı gözləyir.
Mənbə: 3dnews.ru