Eyniadlı DRM mühafizəsinin yaradılması və inkişafı ilə məşğul olan Denuvo şirkəti mobil video oyunlar üçün yeni proqram təqdim edib. Tərtibatçıların fikrincə, bu, mobil sistemlər üçün layihələrin haker hücumundan qorunmasına kömək edəcək.
Tərtibatçılar bildiriblər ki, yeni proqram hakerlərə faylları ətraflı öyrənməyə imkan verməyəcək. Bunun sayəsində studiyalar mobil video oyunlardan əldə etdikləri gəlirləri özündə saxlaya biləcəklər. Onların fikrincə, o, gecə-gündüz işləyəcək və onun həyata keçirilməsi ciddi səylər tələb etməyəcək.
“Mobil oyunun yaranması video oyun sənayesində son dərəcə gəlirli sahə açdı. Hakerlər üçün yeni boşluqlar da var. Fundamental müdafiə olmadan fırıldaqçılar layihənin zəif cəhətlərindən istifadə edə və tərtibatçıların reputasiyasını və oyunçuların şəxsi məlumatlarını riskə ata biləcəklər”, - Denuvo İdarəedici Direktoru Reinhard Blaukowitsch bildirib.
Denuvo mobil mühafizəsinin fərdiləşdirilə bilən qoruma səviyyələri, məlumatların tutulmasının qorunması, fayl bütövlüyünün yoxlanılması və s. xüsusiyyətləri olacağı gözlənilir. Bunun cihazların performansına təsir edib-etməyəcəyi hələ məlum deyil. Nəzərinizə çatdıraq ki, müxtəlif hallarda PC-də DRM qorunması oyunların performansını azaldır. Bu barədə ətraflı oxuya bilərsiniz .
Mənbə: 3dnews.ru