Şəbəkə mənbələri bu ilin üçüncü rübündə elanı gözlənilən flaqman “Samsung Galaxy Note X” phableti haqqında yeni məlumat açıqlayıb.
Daha əvvəl xəbər verdiyimiz kimi, cihaz Samsung Exynos 9820 prosessoru və ya Qualcomm Snapdragon 855 çipi alacaq.
İndi ortaya çıxan məlumatlar kamera sisteminə aiddir. Bildirilir ki, yeni məhsul ümumilikdə səkkiz sensor alacaq - dördü arxada, daha dördü isə öndə yerləşəcək.
Xüsusilə, fablet əsas arxa kameranı Galaxy S10+-dan miras alacaq. Söhbət üç ənənəvi sensordan və səhnənin dərinliyi haqqında məlumat əldə etməyə imkan verəcək əlavə Uçuş Zamanı (ToF) sensorundan gedir.
“Bütün linzalar dəsti indi cibinizdədir. İnanılmaz böyütmə imkanları üçün telefoto kamera, gündəlik fotoqrafiya üçün geniş bucaqlı kamera və möhtəşəm panoramik mənzərələr üçün ultra geniş bucaqlı kamera” Samsung Galaxy S10+ kamera imkanlarını belə xarakterizə edir.
Galaxy Note X-də daha dörd kamera ön hissədə - displeydəki iki dəlikdə quraşdırılacaq. Söhbət ekranın sol və sağ tərəflərində yerləşəcək iki qoşa blokdan gedir. Bu kameralar istifadəçilərin üzdən tanınması üçün ultra etibarlı sistemi tətbiq etməyə imkan verəcək.
Güclü kamera sistemi sayəsində istifadəçilər 360 dərəcə əhatə bucağı ilə panoramik şəkillər çəkə biləcəklər. Süni intellekt 100 milyondan çox yüksək keyfiyyətli fotoşəkilin təhlili əsasında ideal foto kompozisiyanı yaratmağa kömək edəcək.
Mövcud məlumata görə, Galaxy Note X displeyinin ölçüsü diaqonal olaraq 6,75 düym olacaq. İstifadəçilər barmaqları və xüsusi stilusdan istifadə edərək panellə əlaqə saxlaya biləcəklər.
Mənbə: 3dnews.ru