Facebook Hindistanın 5,7 milyondan çox abunəçiyə xidmət göstərən ən böyük telekommunikasiya operatoru Reliance Jio-nun 9,99%-ni almaq üçün 380 milyard dollar sərmayə qoyub. Bu əməliyyatın başa çatması ilə Facebook Hindistanın Reliance Industries sənaye holdinqinin törəmə şirkəti olan Reliance Jio-nun ən böyük minoritar səhmdarı oldu.
“Reliance Industries Limited-in bir hissəsi olan Jio Platforms Limited-ə 5,7 milyard dollar sərmayə qoyduğumuzu elan edirik və bununla da Facebook-u ən böyük minoritar səhmdara çevirdik. Dörd ildən az müddət ərzində Jio 388 milyondan çox insana internetə çıxış təmin edib, innovativ yeni bizneslərin yaradılmasına və insanları yeni üsullarla əlaqələndirməyə kömək edib”, - deyə Facebook-un rəsmi saytında bildirib.
Həmçinin Facebook və Reliance Jio arasında əməkdaşlıq sahələrindən birinin elektron ticarətlə bağlı olacağı açıqlanıb. Kiçik biznesə yönəlmiş JioMart xidmətinin ölkənin ən populyar messenceri olan “Facebook”a məxsus “WhatsApp”a inteqrasiyası planlaşdırılır. Bunun sayəsində istifadəçilər bir mobil proqram çərçivəsində bizneslərlə əlaqə saxlaya və alış-veriş edə biləcəklər.
“Hindistan bizim üçün xüsusi bir ölkədir. Bu illər ərzində Facebook insanları birləşdirmək və biznesin böyüməsinə və inkişafına kömək etmək üçün Hindistana sərmayə qoyub. WhatsApp yerli əhalinin həyatına o qədər kök salıb ki, bir çox hind dialektlərində geniş istifadə olunan felə çevrilib. “Facebook insanları bir araya gətirir və ölkədə kiçik biznesin inkişafının ən böyük hərəkətverici qüvvələrindən biridir”, - deyə Facebook-un açıqlamasında bildirilir.
Mənbə: 3dnews.ru