Facebook, şirkətin mesajlaşma proqramı vasitəsilə yayılan koronavirus haqqında dezinformasiya ilə mübarizə səylərini gücləndirir. Bu dəfə Facebook Messenger tətbiqi istifadəçilərinə təhlükəli xəstəlik haqqında etibarlı məlumat əldə etməyə imkan verən alətlər yaratmaq üçün səhiyyə təşkilatlarına tərtibatçılarla birləşərək kömək edəcək proqramı işə salıb.
Tibb təşkilatları özəl mesajlaşma xidmətindən istifadə edərək tərtibatçılarla birlikdə istifadəçilərə koronavirusla bağlı suallara cavab almağa, həmçinin etibarlı xəbərləri öyrənməyə kömək edəcək pulsuz həllər, məsələn, chatbotlar yarada biləcəklər.
Argentina Səhiyyə Nazirliyi artıq Messenger platformasından istifadə etməyə başlayıb. O, istifadəçilərin koronavirusla bağlı suallarına cavab ala biləcəkləri proqramı işə salıb. UNICEF və Pakistan Səhiyyə Nazirliyi də vətəndaşlara koronavirus haqqında dəqiq məlumat vermək və yalan faktlarla mübarizə aparmaq üçün Messenger-dən istifadə etməyə başlayıb. Çox güman ki, yaxın gələcəkdə digər ölkələrin tibb təşkilatları vətəndaşlara kömək məqsədilə Facebook messencerindən istifadə etməyə başlayacaqlar.
Xatırladaq ki, ötən həftə Facebook informasiya mərkəzini işə salmışdı, ona şirkətin sosial şəbəkəsinin xəbər lentindən daxil olmaq olar. Koronavirus haqqında təsdiqlənmiş materialları toplayır. Bir neçə gün əvvəl Ümumdünya Səhiyyə Təşkilatının rəsmi chatbotu Facebook-a məxsus WhatsApp messencerində koronavirusla bağlı etibarlı faktları təqdim etmək üçün nəzərdə tutulmuşdu.
Mənbə: 3dnews.ru