Facebook nümayəndələri araşdırma elan edib, nəticədə ABŞ, Vyetnam və Gürcüstandan Facebook və Instagram sosial şəbəkələrində ictimai rəyi manipulyasiya etmək üçün genişmiqyaslı kampaniyalar çərçivəsində istifadə edilən yüzlərlə saxta hesab bloklanıb.
Qeyd olunur ki, bu hesablarda süni intellekt texnologiyalarından istifadə edilməklə yaradılan fotoşəkillərdən istifadə edilib ki, bu da aldadıcılığı adi gözlə tanımaqda son dərəcə çətinləşib. Bu barədə Facebook-un kibertəhlükəsizlik şöbəsinin rəhbəri Nataniel Qleyxer məlumat verib.
Ümumilikdə “Facebook” sosial şəbəkəsində 610 hesab, 89 səhifə və 156 qrup, həmçinin “Instagram”da 72 hesab bloklanıb. Facebook administrasiyası bloklanmış hesabların əksəriyyətini mühafizəkar The Epoch Times nəşrini dərc edən Epoch Media Group ilə əlaqələndirir.
Qeyd olunur ki, kampaniya çərçivəsində sosial şəbəkələrdə reklam üçün təxminən 9 milyon dollar xərclənib.Saxta hesablar vasitəsilə yerləşdirilən məzmunlar əsasən ABŞ və Vyetnamdan olan istifadəçilər üçün nəzərdə tutulub.
Bundan əlavə, tərtibatçılar Gürcüstanda kifayət qədər böyük saxta hesablar şəbəkəsini müəyyən edib bloklayıblar. Buraya 39 hesab və 300-dən çox səhifə daxildir. Ehtimal olunur ki, bu şəbəkə Gürcüstan hakimiyyəti ilə bağlıdır və məqsədi mövcud hakimiyyət haqqında müsbət rəy formalaşdırmaq, müxalifət partiyalarını tənqid etmək olub.
Facebook deyir ki, saxta hesabların aşkarlanması dezinformasiya və ictimai rəyi manipulyasiya etmək üçün istifadə olunan vasitələrin necə inkişaf etdiyini nümayiş etdirir. Saxta profillər üçün fotolar maşın öyrənməsi ilə neyron şəbəkələrə əsaslanan alqoritmlərdən istifadə etməklə yaradılıb. Bununla belə, Facebook nümayəndəsi qeyd edib ki, bu şəkildə yaradılmış fotolar şirkətin avtomatlaşdırılmış sistemlərinin saxta hesabları müəyyən etməsinə mane olmur, çünki bu proses hesabın davranışının təhlilinə əsaslanır.
Mənbə: 3dnews.ru