Milli Elm Fondu (NSF) Günəşin səthinin bu günə qədər ən detallı fotoşəkillərini təqdim edib.
Tədqiqat Daniel K. Inouye Günəş Teleskopu (DKIST) vasitəsilə həyata keçirilib. Havayda yerləşən bu cihaz 4 metrlik güzgü ilə təchiz edilib. Bu günə qədər DKIST ulduzumuzu öyrənmək üçün nəzərdə tutulmuş ən böyük teleskopdur.
Aparat Günəşin səthində diametri 30 km olan formasiyaları "nəzərdən keçirə" bilir. Təqdim olunan görüntü hüceyrə quruluşunu aydın şəkildə göstərir: hər bir zonanın ölçüsü ABŞ-ın Texas ştatının ərazisi ilə müqayisə edilə bilər.
Hüceyrələrdəki parlaq sahələr plazmanın Günəşin səthinə çıxdığı zonalar, qaranlıq kənarları isə geri batdığı yerlərdir. Bu proses konveksiya adlanır.
Gözlənilir ki, Daniel İnouye Günəş Teleskopu ulduzumuz haqqında keyfiyyətcə yeni məlumatlar toplamağa və günəş-yer əlaqələrini və ya kosmos havası deyilən şeyi daha ətraflı öyrənməyə imkan verəcək. Məlum olduğu kimi, Günəşdəki fəaliyyət Yerin maqnitosferinə, ionosferinə və atmosferinə təsir göstərir.
Mənbə: 3dnews.ru