Şəbəkə mənbələri bildirir ki, Apple Hindistanda öz məhsullarının istehsalını genişləndirməyə hazırlaşır. Əgər ölkədə artıq “iPhone 6S”, “iPhone SE” və “iPhone 7” kimi modellər hazırlanırsa, o zaman flaqman cihazların istehsalına başlanılması mühüm hadisə kimi qiymətləndirilməlidir.
Foxconn, Çennayda yerləşən fabrikdə yerləşdiriləcək sınaq istehsalını təşkil etmək niyyətindədir. Bu yanaşma Apple-a idxal rüsumlarından yayınmağa kömək edəcək, həmçinin istehsalçını Hindistanda daha çox brend satış nöqtələri açmağa yaxınlaşdıracaq. Məsələ burasındadır ki, ölkə qanunvericiliyinə görə, yerli təchizatçıların ən azı 30%-i pərakəndə satış şəbəkəsinin formalaşmasında iştirak etməlidir, ona görə də Hindistanda flaqman istehsalının açılması Apple-ın əlinə keçəcək.
Bloomberg-in məlumatına görə, hazırda Hindistana göndərilən Apple smartfonlarının payı cəmi 1% təşkil edir. Dünyanın ikinci ən böyük bazarını fəth etmək cəhdləri davam edir və ötən il “Apple” ölkədə 1,7 milyona yaxın smartfon satıb. Burada lider mövqeyi məhsulları daha münasib qiymətlərə görə cəlbedici görünən Çin şirkəti Xiaomi tutur. Yerli istehsalın yaradılması Apple-a öz məhsullarını ucuzlaşdırmağa imkan verəcək ki, bu da potensial alıcıları cəlb edə bilər.
İstehsalın genişləndirilməsi davam edən ABŞ-Çin ticarət müharibəsi fonunda düşünülmüş addım kimi görünür. Hindistanda Apple-ın flaqmanlarını istehsal edən fabrik Çinlə gərginliyin artması halında istehsalçıya itkilərin qarşısını almağa imkan verəcək. Həmçinin bildirilir ki, Foxconn iPhone-un ilkin istehsalının təşkili üçün təxminən 300 milyon dollar ayırmağı planlaşdırır. İstehsalçının planlarına heç bir şey mane olmazsa, gələcəkdə tutum artırılacaqdır.
Mənbə: 3dnews.ru