ABŞ hökumətinin sanksiyaları səbəbindən Huawei şirkətinin üzləşdiyi əsas problemlərdən biri də Google-un öz smartfon və planşetlərindəki özəl xidmət və proqramlarından istifadə edə bilməməsidir. Buna görə Huawei, Google məhsullarını əvəz etməli olan öz tətbiq ekosistemini fəal şəkildə inkişaf etdirir. İndi məlum olub ki, Google ABŞ hökumətindən Huawei ilə əməkdaşlığa qoyulan məhdudiyyəti aradan qaldırmağı xahiş edib.
Xəbərdə deyilir ki, Android məhsullarının idarə edilməsi üzrə vitse-prezident Sameer Camat jurnalistlərə müsahibəsində Google-un Ağ Evdən şirkətin Çin istehsalçısı ilə iş aparmasına mane olan məhdudiyyətləri aradan qaldırmağı xahiş etdiyini təsdiqləyib. Təəssüf ki, Samat müəllim Google-un ABŞ hökumətindən bu məsələ ilə bağlı nə vaxt cavab alacağını gözlədiyini açıqlamayıb.
Xatırladaq ki, Ağ Ev Amerika şirkətlərinə Çinin Huawei şirkəti ilə əməkdaşlığı davam etdirməyə imkan verəcək lisenziyalar üçün müraciət etməyə icazə verib. Microsoft kimi bəzi şirkətlərə Huawei ilə işini bərpa etmək üçün artıq yaşıl işıq yandırılıb ki, bu da Çin şirkətinə Windows proqram platformasından və digər Microsoft məhsullarından öz məhsullarında yenidən istifadə etməyə imkan verib.
Google lisenziya alacağı təqdirdə şirkət Huawei şirkətinə öz xüsusi proqram və xidmətlərini təklif edə biləcək. Bu yaxınlarda Huawei Technologies Consumer Business Group-un baş direktoru Riçard Yu bildirib ki, fürsət yaranarsa, şirkət hazırda Google xidmətləri və tətbiqləri olmadan satılan yeni Mate 30 seriyalı flaqman smartfonlarının proqram təminatını dərhal yeniləyəcək.
Mənbə: 3dnews.ru