ABŞ Senatının Ədliyyə Komitəsinin iclasında Google-un ictimai siyasət üzrə vitse-prezidenti Karan Bhatia elan edib ki, şirkət Çin bazarı üçün senzuraya məruz qalan axtarış sisteminin inkişafını dayandıracaq. "Biz Dragonfly layihəsini inkişaf etdirməyi dayandırdıq" dedi Bhatia, Google mühəndislərinin keçən ildən bəri üzərində işlədiyi axtarış sistemi haqqında.
Qeyd edək ki, bu açıqlama “Dragonfly” layihəsinin dayandırıldığı barədə ilk ictimai qeyddir. Daha sonra şirkət nümayəndələri Google-un Çində axtarış sistemini işə salmaq planının olmadığını təsdiqləyiblər. Dragonfly üzərində işlər dayandırılıb, axtarış sisteminin hazırlanması ilə məşğul olan işçilər başqa layihələrə keçirilib.
Qeyd etmək lazımdır ki, bir çox Google əməkdaşları gizli Dragonfly layihəsi haqqında yalnız internetdə bu barədə məlumat çıxandan sonra xəbər tutmuşdular. Layihə ilə bağlı məlumatların sızması sıravi Google əməkdaşlarının əks reaksiyasına səbəb olub. Google-un hökumət müqavilələri ilə bağlı daxili fikir ayrılıqları ilk dəfə deyildi. Bu ilin yazında şirkət Pentaqon ilə müqavilə bağladı, bundan sonra Google-un 4000-dən çox əməkdaşı bu müqavilənin ləğvinin lehinə petisiya imzaladı. Onlarla mühəndis istefa verib, bundan sonra şirkət rəhbərliyi hərbçilərlə müqaviləni yeniləməyəcəyinə söz verib.
Vitse-prezidentin açıqlamasına baxmayaraq, Google-un sıravi işçiləri şirkətin gizli şəkildə Dragonfly layihəsini inkişaf etdirməyə davam edəcəyindən ehtiyat edirlər.
Mənbə: 3dnews.ru