Çin Telekommunikasiya Avadanlıqlarının Sertifikatlaşdırma Təşkilatının (TENAA) saytında yeni Samsung smartfonunun şəkilləri və qismən texniki xüsusiyyətləri peyda olub.
Cihaz SM-A2070 kodludur. Bu model kommersiya bazarına Galaxy A20s adı ilə çıxacaq və orta səviyyəli cihazlar sırasına əlavə olunacaq.
Məlumdur ki, smartfon 6,49 düym diaqonallı Infinity-V displeyi alacaq. Göründüyü kimi, HD+ və ya Full HD+ paneldən istifadə olunacaq.
Korpusun arxasında üçlü əsas kamera olacaq, lakin onun konfiqurasiyası hələ açıqlanmayıb. Arxa tərəfdə barmaq izi skaneri də görə bilərsiniz.
Cihazın göstərilən ölçüləri 163,31 × 77,52 × 7,99 mm-dir. Güc 4000 mAh tutumlu təkrar doldurulan akkumulyatorla təmin ediləcək. Yan tərəflərdə fiziki idarəetmə düymələrini görə bilərsiniz.
Samsung dünya üzrə smartfon satışında lider mövqe tutur. Gartner-in məlumatına görə, bu ilin ikinci rübündə Cənubi Koreya nəhəngi qlobal bazarın təxminən 75,1%-ni tutaraq 20,4 milyon mobil cihaz satıb. Beləliklə, dünyada satılan hər beşinci smartfon “Samsung” markalıdır.
Mənbə: 3dnews.ru