“Huawei” şirkətinin 5G biznesinin prezidenti Yang Chaobin altıncı nəsil (6G) mobil rabitə texnologiyalarının tətbiqinə başlama vaxtını açıqlayıb.
Qlobal sənaye hazırda 5G şəbəkələrinin kommersiya tətbiqinin ilkin mərhələsindədir. Nəzəri olaraq, bu cür xidmətlərin ötürmə qabiliyyəti 20 Gbit/s-ə çatacaq, lakin əvvəlcə məlumat ötürmə sürətləri təxminən bir qədər aşağı olacaq.
5G seqmentində liderlərdən biri Huawei-dir. Şirkət müvafiq texnologiyaları fəal şəkildə tətbiq edir və həmçinin operatorlara 5G-nin inkişafını sürətləndirməyə kömək etmək üçün 5G mərkəzli nəqliyyat həlləri təklif edir.
Eyni zamanda, 5G şəbəkələrinin kommersiya tətbiqinə başlanması altıncı nəsil mobil rabitə texnologiyaları üzərində işlərin artmasına səbəb olacaq. Təbii ki, Huawei də bu sahədə intensiv araşdırmalar aparacaq.
Düzdür, cənab Çaobinin dediyi kimi, 6G erası 2030-cu ilə qədər gəlməyəcək. Çox güman ki, belə şəbəkələr saniyədə bir neçə yüz giqabit ötürmə qabiliyyətini təmin edəcək. Lakin 6G-nin xüsusiyyətləri haqqında danışmaq hələ tezdir.
Bu arada, GSM Assosiasiyasının məlumatına görə, 2025-ci ilə qədər dünya üzrə 1,3 milyard 5G istifadəçisi və 1,36 milyard 5G-ni dəstəkləyən mobil cihaz olacaq. Həmin vaxta qədər beşinci nəsil şəbəkələrinin qlobal əhatə dairəsi 40%-ə çatacaq.
Mənbə: 3dnews.ru