Yeni nəsil özəl flaqman prosessoru HiliSilicon Kirin 985 əsasında qurulan ilk Huawei smartfonu, çox güman ki, Mate 30 olacaq. Ən azı, bu barədə internet mənbələri xəbər verir.
Yenilənmiş məlumatlara görə, Kirin 985 çipi bu ilin üçüncü rübündə debüt edəcək. O, hazırkı Kirin 980 məhsulunun memarlıq xüsusiyyətlərini miras alacaq: dörd ARM Cortex-A76 nüvəsi və dörd ARM Cortex-A55 nüvəsi, həmçinin ARM Mali-G76 qrafik sürətləndiricisi.
Kirin 985 prosessorunun istehsalında 7 nanometrlik standartlardan və dərin ultrabənövşəyi işıqda (EUV, Extreme Ultraviolet Light) fotolitoqrafiyadan istifadə olunacaq. Məhsul TSMC tərəfindən istehsal olunacaq. EUV texnologiyasının istifadəsi məhsuldarlığın və enerji səmərəliliyinin daha da yaxşılaşdırılmasını təmin edəcəkdir.
Şayiələrə görə, Kirin 985 prosessorunda beşinci nəsil mobil şəbəkələrdə işləmək üçün quraşdırılmış 5G modem olacaq.
Sözügedən Mate 30 smartfonunun xüsusiyyətlərinə gəlincə, onlar hələ açıqlanmayıb. Təbii ki, qurğu çərçivəsiz yüksək ayırdetmə displeyi, çoxmodullu kamera sistemi, ekranda barmaq izi skaneri və müasir yüksək səviyyəli cihazların digər atributlarını alacaq.
Mənbə: 3dnews.ru