Huawei şirkəti Verizon telekommunikasiya operatoruna qarşı onun müəllif hüquqlarının pozulması ilə əlaqədar Texasın Şərq və Qərb rayonlarının ABŞ Dairə Məhkəmələrində iddia qaldırdığını açıqlayıb.
Şirkət operatorun ABŞ-da qeydə alınmış 12 patentlə qorunan texnologiyalarından, o cümlədən şəbəkə həlləri və videokommunikasiyalardan istifadəsinə görə kompensasiya tələb edir.
Şirkət iddialar qaldırmazdan əvvəl Verizon ilə əhəmiyyətli bir müddət ərzində danışıqlar apardığını və bu müddət ərzində patentlərin ətraflı siyahısını və Verizonun öz patentlərindən istifadə etdiyinə dair faktiki sübutları təqdim etdiyini bildirib. Lakin tərəflər lisenziyanın şərtləri ilə bağlı razılığa gələ bilməyiblər.
Huawei hər il gəlirlərinin 10%-15%-ni tədqiqat və inkişafa yatırır. Son on il ərzində şirkət tədqiqat və inkişafa 70 milyard dollardan çox vəsait xərcləyib və nəticədə bütün dünyada 80 000-dən çox patent, o cümlədən ABŞ-da 10 000-dən çox patent təqdim edilib.
Mənbə: 3dnews.ru