Şəbəkə mənbələri geniş çevik displeylə təchiz edilmiş yeni smartfon üçün Huawei patent sənədlərini açıqlayıb. Bu dəfə biz dizayn baxımından modeli təkrarlayan cihazdan danışırıq
Şəkillərdə gördüyünüz kimi Huawei, ekranı içəriyə doğru büküləcək kitab şəkilli cihaz haqqında düşünür. Bu dizayn çevik paneli gündəlik istifadə zamanı zədələnmədən qoruyacaq.
Korpusun yarısından birinin kənarında köməkçi displey olacaq. Onun yuxarı sol küncündə ikiqat ön kamera üçün uzunsov çuxur olacaq.
Arxa tərəfdə Huawei dörd optik komponenti təsvir sensorları ilə birləşdirəcək çoxmodullu kamera quraşdırmaq niyyətindədir. Simmetrik USB Type-C portunun olduğu da deyilir.
Açılan zaman istifadəçinin ixtiyarında mini-planşet olacaq. Qeyd etmək lazımdır ki, elastik displey korpusun demək olar ki, bütün daxili səthini tutacaq. Bu panel üçün heç bir kəsik və ya deşik nəzərdə tutulmayıb.
Təəssüf ki, Huawei-nin təsvir edilən dizaynla smartfonun kommersiya versiyasını nə vaxt təqdim edə biləcəyi hələ aydın deyil. İndi cihaz yalnız patent sənədlərində mövcuddur.
Mənbə:
Mənbə: 3dnews.ru