Huawei-nin baş direktoru Riçard Yu bildirib ki, şirkət cari onillikdə qlobal smartfon bazarında lider olmağı gözləyir.
IDC-nin hesablamalarına görə, Huawei hazırda aparıcı smartfon istehsalçıları siyahısında üçüncü yerdədir. Keçən il bu şirkət 206 milyon “ağıllı” mobil cihaz satıb, nəticədə dünya bazarının 14,7%-i təşkil edib.
Eyni zamanda, Huawei “ağıllı” mobil cihazların satışını sürətlə artırır. Məsələn, EMEA regionunda (Avropa, o cümlədən Rusiya, Yaxın Şərq və Afrika) şirkət ötən ilin dördüncü rübündə smartfon tədarükünü 73,7% artırıb. Huawei-nin müvafiq bazardakı payı 21,2% təşkil edir. Şirkət EMEA smartfon bazarının 28,0%-nə sahib olan Cənubi Koreya nəhəngi Samsung-dan sonra ikinci yerdədir.
Riçard Yuya görə, Huawei 2020-ci ilin sonuna kimi ağıllı mobil cihazların satışında Samsung-u keçə biləcək. Bu o deməkdir ki, Huawei müvafiq bazarda lider olacaq.
Eyni zamanda, Huawei rəhbəri etiraf edir ki, yaxın illərdə Samsung smartfonlar seqmentində şirkətin əsas rəqibi olaraq qalacaq. Bundan əlavə, Huawei Apple-da ciddi rəqib görür.
Mənbə: 3dnews.ru