120 MVt gücündə günəş stansiyası 2025-ci ilə qədər istismardan çıxarılması planlaşdırılan kömürlə işləyən elektrik stansiyasını əvəz etməyə kömək edəcək.
Şəbəkə mənbələrindən verilən məlumata görə, Amerikanın “Idaho Power” şirkəti 20 illik müqavilə bağlayıb və bu müqaviləyə əsasən şirkət 120 MVt gücündə günəş elektrik stansiyasından enerji alacaq. Stansiyanın tikintisini Jackpot Holdings həyata keçirir. Müqavilənin əsas özəlliyi ondan ibarətdir ki, 1 kVt/saat üçün qiymət 2,2 sent təşkil edir ki, bu da ABŞ üçün rekord aşağı göstəricidir.
Nəzərə alın ki, enerjinin elan olunmuş qiyməti istifadə olunan günəş panellərinin qiymətini tam əks etdirmir. Məsələ burasındadır ki, günəş stansiyasının tikintisi zamanı “Jackpot Holdings” dövlət subsidiyalarından istifadə edir və bunun hesabına qiymətlərin xeyli ucuzlaşmasına nail olmaq mümkün olub. Maraqlıdır ki, hələ 2017-ci ildə ABŞ Energetika Nazirliyinin nümayəndələri ölkədəki günəş elektrik stansiyalarının orta hesabla bir kilovat-saata 6 sentə başa gəldiyini bildirmişdilər.
Idaho Power-in xeyrinə işləyən başqa bir xüsusiyyət, elektrik enerjisini müştərilərə çatdırmaq üçün istifadə ediləcək aktiv ötürücü xətlərin olması idi. Hazırda bu xətlər kömür mədənindən elektrik enerjisinin nəqli üçün istifadə olunur ki, bu da bir neçə il ərzində dayandırıla bilər. Üstəlik, Idaho Power nümayəndələri bildirirlər ki, 2045-ci ilə qədər şirkət təbii qaz və kömürdən istifadədən tamamilə imtina edərək ekoloji cəhətdən təmiz enerji mənbələrinə keçəcək.
Mənbə: 3dnews.ru