Birləşmiş Ştatların Patent və Əmtəə Nişanları İdarəsi (USPTO) çevik displeylə təchiz edilmiş yeni smartfon üçün Sharp-ın patent sənədlərinin məxfiliyini ləğv edib.
LetsGoDigital resursunun buraxılmış məlumat əsasında yaratdığı renderlərdə gördüyünüz kimi, qurğu mərkəzi hissədə əyiləcək - ənənəvi qapaqlar kimi. Bu halda, ekranın yarısı korpusun içərisində olacaq.
Bildirilir ki, qurğu oyun həvəskarları nəzərə alınmaqla hazırlanıb. Açılan zaman smartfon yüksək dərəcədə uzadılmış formaya sahib olacaq ki, bu da çevik ekranın kənarlarından virtual idarəetmələri göstərmək üçün istifadə etməyə imkan verəcək, eyni zamanda mərkəzi sahədə əsas şəkil üçün kifayət qədər yer buraxacaq.
Şəkillərdə simmetrik USB Type-C portunu görə bilərsiniz. Eyni zamanda, kameralar nə arxadan, nə də öndən görünmür.
Patent ərizəsi 2017-ci ildə verilib, lakin sənəd yalnız indi ictimaiyyətə açıqlanıb. Sharp özü təsvir edilən cihazı kommersiya bazarına çıxarmaq planları haqqında hələ heç nə deməyib.
Əlavə etmək istərdik ki, bundan əvvəl daha bir çevik Sharp smartfonunun - qeyri-adi korpus qatlama sisteminə malik cihazın hazırlanması barədə məlumat yayılmışdı. Bu gadget haqqında daha çox məlumatı materialımızda tapa bilərsiniz.
Mənbə: 3dnews.ru