Tesla-nın baş direktoru İlon Mask, uşaqların oxumağı, yazmağı və saymağı müstəqil şəkildə öyrənməsinə imkan verən texnologiyanın yaradılması üzrə müsabiqədə qalib gələn iki startapı 10 milyon dollar dəyərində mükafatlandırıb.
Uşaqları öyrətməyə yönəlmiş startaplar, onemilyard və Kitkit School bu məbləği öz aralarında bölüşdürəcəklər. Onlar X-Prize Fondunun Qlobal Öyrənmə XPRIZE müsabiqəsinin final mərhələsinə yüksələn beş finalçı arasında idilər. Musk bu mükafatın sponsorudur.
Rəqiblərin qarşısında 15 ay ərzində uşaqlara oxumağın, yazının və hesabın əsaslarını müstəqil şəkildə öyrənməyə imkan verən texnologiyanın yaradılması vəzifəsi dayanırdı.
Beş finalçı öz texnoloji həllərini sınaqdan keçirmək üçün dəvət edildi; bunun üçün hər komanda 1 milyon dollar aldı.
Tanzaniyanın 3000 kəndində keçirilən sınaqda 170-ə yaxın uşaq iştirak edib. Yeni texnologiyalar sayəsində bu uşaqların 15 aylıq sınaq müddətində suahili dilində oxuma və yazma bacarıqlarını təkmilləşdirmələri gözlənilirdi.
XPrize-in məlumatına görə, bu uşaqların 74%-i imtahandan əvvəl heç məktəbə getməyib, 80%-i evdə heç vaxt oxumayıb və 90%-dən çoxu suahili dilində bir kəlmə də oxuya bilməyib. Bununla belə, yeni texnologiya və Pixel planşetlərindən istifadə etməklə 15 aylıq təlimdən sonra oxumayanların sayı yarıya qədər azalıb.
Mənbə: 3dnews.ru