Tom's Hardware şirkətinin məlumatına görə, Intel Korporasiyası Compute Card modullarının - ölçüləri bank kartının ölçüsü ilə müqayisə edilə bilən kiçik kompüterlərin gələcək inkişafını dayandırmaq qərarına gəlib.
Intel Compute Card məhsulları CES 2017 istehlak elektronikası sərgisində təqdim edilib.İdeyası displeyli stansiyada xüsusi slotda quraşdırılacaq kompüter modulunun yaradılmasından ibarət olub. Belə bir stansiya noutbuk, masaüstü kompüter, terminal və s.
“Yığcam ölçüsünə baxmayaraq, Intel Compute Card təkcə giriş səviyyəli cihazlar üçün deyil, həm də tam funksiyalı sistemlər üçün optimal həll olacaq”, – İT korporasiya bildirib.
Lakin, görünür, Compute Card modullarının gələcəyi bəlli deyil. Intel modul kompüter bazarında çoxlu imkanların olduğunu deyir, lakin indiki formada Compute Card məhsulları artıq yaradılmayacaq.
Intel həmçinin əlavə edib ki, mövcud Compute Card həllərinin satışı və dəstəyi bu il ərzində davam edəcək. Təchizatların məhdudlaşdırılması üçün konkret son tarixlər açıqlanmayıb.
Mənbə: 3dnews.ru