ABŞ-ın Federal Rabitə Komissiyasının (FCC) saytında HMD Global tərəfindən buraxılışa hazırlanan yeni Nokia smartfonu haqqında məlumat yerləşdirilib.
Cihaz Wasp kod adı altında görünür və TA-1188, TA-1183 və TA-1184 təyinatlarına malikdir. Bunlar eyni cihazın müxtəlif bazarlar üçün nəzərdə tutulmuş modifikasiyalarıdır.
Sənədlərdə smartfonun hündürlüyü və eni göstərilir - 145,96 və 70,56 mm. Korpusun diaqonalı 154,8 mm-dir ki, bu da təxminən 6,1 düym ölçülü displeydən istifadəni göstərir.
Məlumdur ki, yenilik bortda 3 QB əməli yaddaş və 32 QB tutumlu fləş disk daşıyır. Söhbət iki SİM-kart, 2,4 GHz diapazonunda simsiz Wi-Fi və mobil LTE dəstəyindən gedir.
Beləliklə, yenilik orta səviyyəli cihazlara aid olacaq. Nokia 5.2 modelinin Wasp kod adı altında gizlənə biləcəyi ilə bağlı şayiələr var. Smartfonun elanı cari rübdə baş tuta bilər.
2018-ci ildə "ağıllı" mobil cihazların qlobal tədarükünün təxminən 1,40 milyard ədəd olduğu təxmin edilir. Bu, tədarüklərin 4,1 milyard ədəd olduğu 2017-ci illə müqayisədə 1,47% azdır. Cari ilin yekunlarına görə, 0,8% azalma gözlənilir. Nəticədə, IDC analitiklərinin fikrincə, tədarüklər 1,39 milyard ədəd səviyyəsində olacaq.
Mənbə: 3dnews.ru