Çinin Xiaomi şirkəti bu ilin birinci rübündə qlobal smartfon satışları ilə bağlı rəsmi məlumatı açıqlayıb.
Bildirilir ki, yanvar-mart ayları daxil olmaqla, Xiaomi 27,9 milyon “ağıllı” mobil cihaz satıb. Bu, tədarüklərin 28,4 milyon ədəd təşkil etdiyi keçən ilki nəticədən bir qədər azdır.
Belə ki, “Xiaomi” smartfonlarına tələb illik müqayisədə təxminən 1,7-1,8% azalıb. Bununla belə, birinci rübdə bütövlükdə qlobal smartfon bazarında orta azalma daha da əhəmiyyətli oldu - IDC-nin məlumatına görə, 6,6%.
Xiaomi-nin smartfon satışından əldə etdiyi rüblük gəlir 27 milyard yuana (təxminən 3,9 milyard dollar) çatıb. Bu, ötən ilin birinci rübünün nəticəsi ilə müqayisədə 16,2% çoxdur.
İl ərzində satılan Xiaomi cihazlarının orta qiyməti yerli Çin bazarında 30%, beynəlxalq bazarda isə 12% artıb.
Həmçinin qeyd edilir ki, Xiaomi Group-un ümumi rüblük gəliri 43,8 milyard yuan (təxminən 6,3 milyard dollar) təşkil edib. İllik artım: 27,2%.
Mənbə: 3dnews.ru