Walkabout Games, L.INC və Atomic Wolf, dialoq və QTE səhnələri ilə 2.5D platforması kimi hazırlanmış interaktiv qrafik romanı Liberated elan etdi.
Liberated bir komik kitabın səhifələrində açılır. Oyun hekayəni müxtəlif personajların gözü ilə izah edən dörd fəsildən ibarətdir. Hekayə yaxın gələcəyin qaranlıq dünyasında baş verir. Texnologiya bəşəriyyətə qarşı çevrilib, buna görə də təhlükəsizlik bəhanəsi ilə insanlar bir çox hüquqlardan məhrum ediliblər.
Texnologiya hakimiyyətin əlində manipulyasiya alətinə çevrilib. Liberated-də insanlar sosial şəbəkələrdə, müşahidə kameraları və şəxsi cihazlar vasitəsilə izlənilir. Oyun avtoritarizmin demokratik cəmiyyətdə necə doğulduğunu və çöküşə gətirib çıxarmasından bəhs edəcək.
“Liberated” yeni sosial nizama əllərində olan bütün vasitələrlə, o cümlədən zorakılıqla müqavimət göstərmək qərarına gələn bir qrup insanın hekayəsindən bəhs edir. Əsas məqsədi nəyin bahasına olursa olsun, hətta insan azadlığı bahasına da olsa asayişi qorumaq olan polis və hakimiyyət onlara qarşı çıxır. Hekayəni müxtəlif nöqteyi-nəzərdən araşdıran oyunçu oyun dünyasını öyrənir və müxtəlif personajların hərəkətlərinin motivasiyasını anlamağa başlayır. Oyunçu həmçinin başa düşür ki, istənilən hərəkətin və istənilən qərarın nəticələri var və hadisələrin gedişatını dəyişə bilər.
Liberated 2019-cu ildə PC, Xbox One, Nintendo Switch və PlayStation 4 üçün satışa çıxarılacaq.
Mənbə: 3dnews.ru