Megogo videoservisi yeni biznes istiqamətini - Megogo Audio-nu işə saldı. Bu bölməyə musiqidən başqa audio məzmun daxil olacaq. Dekabrın 3-dən etibarən xidmət istifadəçiləri Rusiyanın aparıcı nəşriyyatlarının audiokitablarını və müxtəlif mövzularda podkastları dinləmək imkanı əldə ediblər.
Birinci mərhələdə Megogo-nun audio bölməsinə müxtəlif janrlarda 5000-ə yaxın audiokitab daxil ediləcək. Onların əksəriyyəti xidmət abunəçiləri üçün pulsuz olacaq. Bəzi kitablar 75 rubldan başlayan qiymətlərlə təklif olunacaq.
Növbəti bir neçə ay ərzində videoservis kataloqu hər gün yeni kitablarla yeniləməyi planlaşdırır. Artıq Rusiyanın “Eksmo”, “Alpina”, “Azbuka-Atticus”, “Ardis” və s. kimi iri nəşriyyatları ilə əməkdaşlıq müqavilələri mövcuddur.
Bundan əlavə, Megogo fenomenlər, müxtəlif hadisələr və məşhur insanlar haqqında hekayələr də daxil olmaqla, müxtəlif mövzularda özünün istehsal etdiyi podkastlar təklif edəcək. Hazırda istifadəçilər üçün 100 pulsuz epizod var.
Megogo audio bölməsi Android mobil cihazları üçün əlçatandır və bir neçə həftədən sonra iOS qadcetlərinin istifadəçiləri ona daxil olacaqlar. Gələcəkdə şirkət daha bir neçə audio formatı təqdim etməyi planlaşdırır.
Mənbə: 3dnews.ru