Çinin Xiaomi şirkəti tərəfindən yaradılan Redmi brendi beşinci nəsil mobil şəbəkələri dəstəkləyən məhsuldar K30 5G Speed Edition smartfonunun tezliklə buraxılacağını göstərən tizer şəklini dərc edib.
Cihaz gələn bazar ertəsi - mayın 11-də debüt edəcək. O, JD.com onlayn bazarı vasitəsilə təklif olunacaq.
Tizerdə deyilir ki, smartfon yuxarı sağ küncdə uzunsov çuxurlu displeylə təchiz olunub: burada qoşa ön kamera yerləşəcək. Ekranın ölçüsü diaqonal olaraq 6,67 düym, yeniləmə tezliyi 120 Hz olacaq.
Hələ rəsmi olaraq təqdim edilməmiş Snapdragon 768G prosessorunun silikon “ürək” kimi göstərilməsi maraq doğurur. Ola bilsin ki, qeyri-dəqiqlik olub və əslində Snapdragon 765G çipi istifadə edilib və səkkiz Kryo 475 nüvəsini 2,4 GHz-ə qədər takt tezliyi, Adreno 620 qrafik sürətləndiricisi və X52 5G modemi birləşdirib. Və ya Qualcomm tezliklə bu çipin bir qədər dəyişdirilmiş versiyasını təqdim edəcək.
Smartfonun arxa hissəsində 64, 8 və 5 milyon pikselli sensorlar olan çoxmodullu kamera olacaq. Operativ yaddaşın həcmi 6 GB, fləş sürücüsünün tutumu 128 GB olacaq.
Redmi K30 5G Speed Edition-ın təxmini qiyməti ilə bağlı hazırda heç bir məlumat yoxdur.
Mənbə: 3dnews.ru