Amazon-un 2016-cı ildə Amazon Prime Now-ı istifadəyə verdiyi Fransanın paytaxtında sürətli və rahat qida çatdırılması pərakəndə satıcılar arasında döyüş meydanına çevrilib.
French Casino Group-un “Franprix” ərzaq mağazalar şəbəkəsi bir il ərzində Parisin 13-cü dairəsinin küçələrində qida çatdıran robotları sınaqdan keçirmək planlarını açıqlayıb. Onun tərəfdaşı robot tərtibatçısı, fransız startapı TwinswHeel olacaq.
“Bu droid vətəndaşların həyatını asanlaşdıracaq. Son mil çatdırılması vacibdir. Müştərilərlə münasibətləri məhz bu qurur”, - deyə Franprix-in idarəedici direktoru Jan-Pier Moşet pulsuz olacaq xidmət haqqında bildirib.
İki təkərli, elektriklə işləyən robot enerji doldurmadan 25 km məsafə qət edə bilir. Malların daşınması üçün onun həcmi 30 və ya 40 litr olan bir bölmə var.
Sınaq üç robotdan istifadə etməklə pərakəndə satış şəbəkələrindən biri tərəfindən aparılacaq. Müvəffəqiyyətli olarsa, təcrübə bir sıra digər Franprix mağazalarında da aparılacaq.
Mənbə: 3dnews.ru