Məlumatlı şəbəkə mənbələrinin verdiyi məlumata görə, “xalq” smartfonu Apple iPhone 9-un kütləvi istehsalı təşkil edilib. Söhbət əvvəllər iPhone SE 2 kimi tanınan cihazdan gedir.
Məlumatlara görə, yeni məhsul 4,7 düymlük displey, A13 Bionic prosessoru və 3 GB operativ yaddaş alacaq.
Həmçinin iPhone 9 Plus versiyasının da çıxacağı bildirilir. Bu cihazın 5,5 düym diaqonallı ekranla təchiz ediləcəyi ehtimal edilir.
Yeni məhsullar istifadəçiləri barmaq izləri ilə tanımağa imkan verən Touch ID texnologiyasını dəstəkləyir.
Fleş diskin tutumuna gəlincə, qeyri-rəsmi məlumatlara görə, alıcılar 64 GB və 128 GB-lıq versiyalar arasında seçim edə biləcəklər.
Təəssüf ki, yeni məhsulun bazara çıxma vaxtı barədə heç bir məlumat verilməyib. Amma təxmini qiyməti məlumdur - 399 dollardan.
İnternet mənbələri onu da əlavə edir ki, Apple beşinci nəsil mobil rabitəni (5G) dəstəkləyən iPad Pro planşetini buraxmağa hazırlaşır. Bu cihazın təqdimatı bu ilin sonunda gözlənilir.
Mənbə: 3dnews.ru