Yaxın vaxtlarda yeni nəsil Apple smartfonları üçün prosessorların kütləvi istehsalına başlanılacaq. Bu barədə anonim qalmaq istəyən məlumatlı mənbələrə istinadən Bloomberg məlumat yayıb.
Söhbət Apple A13 çiplərindən gedir. Bu məhsulların sınaq istehsalının artıq Taiwan Semiconductor Manufacturing Co-nun müəssisələrində təşkil edildiyi iddia edilir. (TSMC). Prosessorların kütləvi istehsalına bu ayın sonuna qədər, yəni iki-üç həftə ərzində başlanacaq.
Apple A13 çipləri 2019 iPhone seriyasının əsasını təşkil edəcək. Apple korporasiyasının üç yeni məhsulu - iPhone XS 2019, iPhone XS Max 2019 və iPhone XR 2019-u təqdim edəcəyi gözlənilir.
Mövcud məlumatlara əsasən, iPhone XS 2019 və iPhone XS Max 2019 smartfonları müvafiq olaraq 5,8 düym və 6,5 düym diaqonal ölçülü OLED displey (üzvi işıq yayan diodlar) ilə təchiz ediləcək. Cihazların üç modullu yeni arxa kamera alacağı iddia edilir.
Öz növbəsində, iPhone XR 2019 modeli 6,1 düymlük maye kristal displey (LCD) ekrana və korpusun arxasında ikili kameraya sahib olması ilə hesablanır.
Şayiələrə görə, hər üç qurğu 12 meqapiksellik sensorlu təkmilləşdirilmiş TrueDepth ön kamerası ilə təchiz olunacaq. Apple, təbii ki, bu məlumatı təsdiqləmir.
Mənbə: 3dnews.ru