Çin Telekommunikasiya Avadanlıqlarının Sertifikatlaşdırma Təşkilatının (TENAA) saytında yeni Xiaomi smartfonları peyda olub - M1903C3EC və M1903C3EE kodlu qurğular.
Bu cihazlar bazara Redmi brendi ilə çıxacaq. Bunlar, müşahidəçilərin fikrincə, kommersiya olaraq Redmi 7A adlandırılacaq eyni smartfonun variantlarıdır.
Yeni məhsul ucuz cihaz olacaq. Cihaz kəsiksiz və ya deşiksiz displeyə sahib olacaq - ön kamera ekranın üstündə yerləşəcək. Şəkillərdə də gördüyünüz kimi korpusun arxa hissəsində LED flaşlı tək kamera quraşdırılıb.
Çox güman ki, smartfon bortunda MediaTek prosessoru daşıyacaq. Bildirilir ki, 2 GB operativ yaddaş və 16 GB tutumlu fləş yaddaş var. 4G/LTE mobil şəbəkələrində işləməyi dəstəkləyir.
Cihazda barmaq izi skaneri yoxdur. Müşahidəçilər hesab edir ki, istifadəçilərin üzdən tanınması üçün proqram funksiyası tətbiq olunacaq.
IDC-nin hesablamalarına görə, Xiaomi bu ilin birinci rübündə qlobal bazarın 25,0%-ni tutaraq 8,0 milyon smartfon tədarük edib. Bu, aparıcı istehsalçılar siyahısında dördüncü yerə uyğundur.
Mənbə: 3dnews.ru