Bütün dünya koronavirus pandemiyası ilə mübarizə apararkən, bir çox müəssisə müştərilərinə mümkün olan ən yaxşı xidməti göstərmək üçün həmişəki kimi fəaliyyət göstərməli olur. Bu həftə OnePlus şirkətin öz cihazları üçün geri qaytarma və zəmanət prosedurlarını sadələşdirmək üçün görəcəyi tədbirləri açıqladı.
OnePlus forumundakı bir yazı, COVID-19 epidemiyasının ortasında müştəri dəstəyinin gördüyü tədbirləri müzakirə edir. Bu gündən şirkət daha sərt sanitar normalar tətbiq edir. Ancaq şirkətin müştərilərini çox sevindirəcək şey OnePlus-un geri qaytarma və zəmanət müddətlərini uzatmasıdır. Məsələn, martın 1-dən mayın 30-a kimi müddəti bitən smartfonların zəmanət müddəti mayın 31-dək uzadılıb. Bu çətin dövrlərdə bir çox istifadəçi bu cür qayğını yüksək qiymətləndirəcək.
Bundan əlavə, şirkət istifadəçilərin smartfonlarının zəmanətli təmiri zamanı əvəzedici cihazların verilməsi proqramının tətbiqi üzərində işləyir. İstehsalçının sözlərinə görə, əvvəlcə bu xidmət yalnız Şimali Amerika və bəzi Avropa ölkələrindən olan istifadəçilər üçün əlçatan olacaq.
OnePlus, əvəzedici cihaz proqramının ABŞ, Kanada, Böyük Britaniya və Hollandiyada sınaq əsasında istifadəyə veriləcəyini açıqladı. Daha sonra bu fürsət digər bölgələrdən olan müştərilərə də təqdim olunacaq. OnePlus əvəzedici cihazların verilməsi üçün xidmətin təqdim edilməsi prinsipini aydınlaşdırıb. İstifadəçilər depozit ödəyəcək, bundan sonra şirkət əvəzedici cihaz təqdim edəcək, sonra isə xarab olan cihazını təmir və ya dəyişdirilməyə göndərəcək. Təmir edilmiş telefon sahibinə qaytarıldıqdan sonra müştəri dəyişdirilən cihazı OnePlus-a geri göndərməlidir, bundan sonra depozit geri qaytarılacaq.
Mənbə: 3dnews.ru