Oppo developer konfransında şirkətin vitse-prezidenti Liu Bo elan etdi ki, hazırda Əşyaların İnterneti (IoT) platforması hazırlanır. Söhbət IoT HeyThings protokolundan və audio rabitə protokolundan gedir. O, həmçinin Oppo Smartwatch və tibbi platformanın da 2020-ci ilin birinci rübündə istifadəyə veriləcəyini söylədi.
Bu, Oppo-dan dünyanın ilk ağıllı saatı olacaq - cari məlumatlara əsaslanaraq, Çin istehsalçısı qarşıdan gələn ağıllı saatda sağlamlıqla bağlı xüsusiyyətlərə və xidmətlərə diqqət yetirəcək. Cənab Bo-nun sözlərinə görə, Oppo-nun IoT vizyonu çoxterminallı və kross-ssenarili IoT ekosistemi yaratmaqdır.
Diqqət əsas kateqoriyalara yönəlib və dörd ssenarini əhatə edir: şəxsi, ailə, işgüzar səyahət və ofis. Oppo çox protokol uyğunluğu, yerli əlaqə və müxtəlif markaların cihazları arasında əlaqəni təmin edə bilən HeyThings IoT protokolunu işə salacaq. Şirkət həmçinin IoT məhsullarına çıxışı sürətləndirmək üçün protokol sənədləri, SDK və modullar buraxacaq.
Yuxarıda göstərilənlərə əlavə olaraq, şirkət məhsulun inkişafı, xidmət konfiqurasiyası və məlumatların işlənməsini əhatə edən HeyThings adlı IoT xidmət platformasını işə salacaq. Bütün bunlar 2020-ci ilin birinci rübündə baş verəcək. Nəhayət, Oppo 2020-ci ilin iyun ayında üçüncü tərəfin ağıllı qulaqlıqlarını və audiodinamiklərini tez və asanlıqla Oppo telefonlarına qoşmağa və simsiz qulaqlığın doldurulma səviyyəsini smartfonunuza bildirməyə imkan verəcək audio qarşılıqlı əlaqə protokolunu təqdim edəcək.
Mənbə: 3dnews.ru