Çinin Xiaomi şirkəti tərəfindən yaradılan Redmi brendi şəbəkə mənbələrinin verdiyi məlumata görə, Snapdragon 855 prosessorlu flaqman smartfonunu elan etməyə tələsməyəcək.
Snapdragon 855 platformasında Redmi adı ilə cihazın buraxılması ehtimalına bu ilin əvvəlində Çin brendinin baş direktoru Lu Veybinq işarə vurmuşdu.
Bundan sonra Xiaomi məhsullarının pərəstişkarlarının cənab Weibing-i sözügedən smartfonun layihəsi ilə bağlı suallarla bombaladığı bildirilir. Buna görə də Redmi rəhbəri pərəstişkarlarından onu bu mövzuda narahat etməmələrini xahiş etməyə məcbur olub.
Beləliklə, müşahidəçilər belə qənaətə gəlirlər ki, Snapdragon 855 platformasında Redmi smartfonunun tezliklə buraxılmasını gözləməyə dəyməz. Çox güman ki, müvafiq layihə həyata keçirilməkdən sadəcə uzaqdır və buna görə də Redmi rəhbəri bu barədə konkret məlumat verə bilməz.
Amma bu o demək deyil ki, Snapdragon 855 bazası əsasında işləyən smartfonlar Redmi seriyasında görünməyəcək.Belə qurğular bu ilin ikinci yarısında elan oluna bilər.
Hazırda Redmi brendi yeni giriş və orta səviyyəli smartfonların buraxılmasına diqqət yetirir.
Mənbə: 3dnews.ru